काठमाडौं। उद्धारका लागि रसुवागढी जलविद्युत् आयोजनाको सुरुङभित्र पसेको टोली रित्तै फर्केको छ। सोमबार सुरुङभित्र खोजतलास गर्दा मान्छे रहेको कुनै संकेत नदेखिएपछि उद्धार टिम फर्केको हो।
बिज्ञापन
रसुवाको भोटेकोशी नदीमा बाढी आए लगत्तै प्रभावित रसुवागढी जलविद्युत् आयोजना सुरुङभित्र खोजी गर्दा कुनै पनि मानिस फेला नपरेपछि नेपाली सेनाको नेतृत्वमा खटिएको उद्धार टोली फर्किएको प्रधानमन्त्री बालेनको सचिवालयले जानकारी दिएको छ।
बिज्ञापन
सुरुङको अन्तिम भागमा मानिसहरू फसेको आशंका गरिएपछि सेनाको टोली इन्जिनियर र ड्रोन टोलीसहित खोजीमा जुटेको थियो। उक्त सुरुङको भित्री भाग अर्थात् अन्तिम बिन्दुसम्मै पुगेर ड्रोनसमेत उडाई खोजी गर्दा पनि मानवीय उपस्थिति नभेटिएको सचिवालयको भनाइ छ।
सुरुङभित्र कोही पनि मानिस नरहेको पुष्टि भएसँगै खोजी कार्य सम्पन्न गरी नेपाली सेनाको टोली त्यहाँबाट रसुवाको धुन्चे फर्किएको हो।
